Іскерлік қызметтер

АЭФ-ның жұмыс күндері «Тәуелсіздік сарайы» ғаламторға сымсыз қосылу қызметімен қамтамасыз етіледі. Бұл қызмет Форумның қатысушылары мен қонақтарына тегін түрде ұсынылады (Wi-Fi қамту аймағын «Тәуелсіздік сарайы» кешенінің сызбасынан қарай аласыз).

Ақпараттық-қызметтік орталықтар

«Тәуелсіздік сарайы» кешенінің бас есігінен сол жақ тұста («Тәуелсіздік сарайы» кешенінің сызбасын қараңыз) орналасқан ақпараттық-қызметтік орталықтарда (анықтама бұрышы) қатысушыларға келесідегідей қызмттер ұсынылады:

Сондай-ақ, қажетті ақпаратты “Rixos President Astana”, “Beijing Palace Soluxe Astana”, “Radisson SAS Astana”, “Hilton Garden”, «Думан», «Oasis Inn” секілді АЭФ 2016 ресми қонақ үйлерінің Ақпараттық бағандарынан, сонымен қатар, Астана қ. Халықаралық әуежайдағы ақпараттық орталықтан алуға болады.

Іс-шаралар арасындағы үзілістер кезінде Форум қонақтары мен қатысушылары «іскерлік байланыс аймағы» деп аталатын қалыпты жағдайда тынығып, әңгімелесе алады.

Іскерлік байланыс аймағында Сіздерге іскерлік байланыс және тыныш жұмыс жасау үшін барынша қолайлы жағдай жасалынған.
Іскерлік байланыс аймақтарының орналасуын «Тәуелсіздік сарайы» кешенінің сызбасынан таба аласыз. 

Екі жақты және көп жақты кездесулер үшін бөлмелер (алдын ала өтінім бойынша ұсынылады). Бөлмелер екі жақты және көп жақты кездесулер жүргізу, келісімшарттарға қол қою үшін өте қолайлы жасақталған, сондай-ақ, іскерлік және бейресми кездесулер ұйымдастыруға есептелінген, мұнда 10-12 адам орналастыруға мүмкіндік беретін қажетті жағдай жасалған. Бөлмелер заманауи жайлы жиһазбен жабдықталған, Форум қатысушылары мұнда өз кездесулерін өткізіп, экономикалық мәселелерді кеңінен талқылай алады («Тәуелсіздік сарайы» кешенінің сызбасын қарай аласыз).

Лингвистикалық қамтамасыз ету (іс-шараның синхрондық аудармасы)

АЭФ 2016 негізгі іс-шаралары қазақ, ағылшын және орыс тіліндегі синхрондық аудармамен қамтамасыз етіледі. Синхрондық аударманы қабылдағыштар мен құлаққаптар жеке басты куәландыратын құжат арқылы кепілмен беріледі (шетелдік қатысушыларға визит карточкасы бойынша). Аталмыш құралдарды беру пунктін «Тәуелсіздік сарайы» кешенінің сызбасынан қарай аласыз.

Қатысушылар қабылдағыштарды Форумның қатысатын іс-шараларына қарамастан, күні бойы қолдана алады. Жеке басты куәландыратын құжат (шетелдік қатысушылардың визит карточкалары) кез келген сәтте синхрондық аударманы қабылдағыш пен құлаққапты тапсырған кезде қайтарылады.