Бұл құжат «Астана экономикалық форумына қатысуға келісім-шартқа отыру жөніндегі көпшілік оферта» (бұдан әрі – «Оферта») «Қазақстандық экономикалық бастамалар қоры» Корпоративтік қорының ұсынысын білдіреді (бұдан әрі «Орындаушы»), төменде көрсетілген талапқа сәйкес осы ұсынысты қабылдайтын (мәтінде бұдан әрі – «Тапсырыс беруші» ) барлық тұлғалармен ақылы қызмет көрсету туралы келісім-шарт жасасады (бұдан әрі – «Келісім-шарт»). Бірге аталған жағдайда Орындаушы мен Тапсырыс беруші «Тараптар» деп көрсетіледі.
1. Келісім-шарт жасасу реті
1.1. Оферта Тапсырыс берушімен қабылданды және Келісім-шарт тараптармен жасалды деп, Тапсырыс беруші келесі әркеттерді орындағаннан бастап саналады:
а) Астана экономикалық форумына (бұдан әрі АЭФ) қатысу жөнінде Орындаушы сайтына www.forum-astana.org мекен-жайы бойынша электронды түрде өтініш беру.
Өтініштің жолдануы Оферта мазмұнымен танысқан соң, «Көпшілік оферта шарттарымен таныстым және келісемін» деген жазбаға қарама-қарсы жалауша қойып, «Тіркелу» деген жазуы бар гипермәтіндік элементті (түймешені) іске қосу арқылы орындалады.
б) Тапсырыс беруші алатын қызметтерге ақы төлеу.
Белгіленген мерзімде төлем төленген сәттен Келісім-шарт жасалған болып есептеледі.
1.2. Тапсырыс берушіні тіркеу Орындаушы есеп-шотына қаржылай аударым түскен кезде жүрізіледі. Соның негізінде Тапсырыс берушіге АЭФ –ке қатысуға шақырту жолданады.
1.3. Қазақстан Республикасының Азаматтық Кодексіндегі 396 бапқа сәйкес Келісім –шарттың жазбаша түрі, егер офертаны алған тұлға, оны құптауға белгіленген уақыт ішінде, Келісім-шарт офертасында көрсетілген шарттарды орындау әрекетін жүргізсе, оның ішінде Орындаушының қызмет ақысын төлеу әрекеті іске асқан жағдайға орындалған болып есептеледі.
2. Келісім-шарттың мәні
2.1. Тапсырыс берушінің таңдаған қатысу пакетіне (Стандарт, Премиум, VIP) сәйкес, Орындаушы Тапсырыс берушіні тіркеу, оның Пленарлық отырысқа, АЭФ-тің іскерлік және мәдени шараларына қатысу, кофе-брейк және тамақтану орындарына кіру, қатысушы жиынтығын беру, «EXPO-2017» халықаралық көрмесіне қатысу (бұдан әрі «Қызметтер») сияқты қызметтерді АЭФ аясында көрсетуге төмендегі шарттар бойынша міндеттенеді.
2.2. АЭФ-тің өтетін орны: Қазақстан Республикасы, Астана қаласы, Тәуелсіздік сарайы, Тәуелсіздік 52, даңғылы, «Қазақстан» Орталық концерт залы, Мәңгілік ел даңғылы, 10/1.
2.3. АЭФ өтетін мерзімі: 15-16 маусым, 2017 жыл. 2.4. АЭФ бағдарламасы www.forum-astana.org мекен-жайы бойынша Орындаушы сайтында орналасқан және Орындаушының шешіміне қарай өзгеруі мүмкін.
3. Қызметтер құны және есептеу реті
3.1. Қызметтер құны Орындаушының www.forum-astana.org мекен-жайында көрсетілген тариф негізінде белгіленеді.
3.2. Тапсырыс беруші Қызмет ақысын өтініш берген күні Қазақстан Республикасының Ұлттық банкі белгілеген курспен алдын ала 100% төлеуге міндетті. Өтініш 2017 жылдың 15 мамырынан кешікпей қабылданады.
3.3. Қызмет ақысы 5- бөлімде көрсетілген Орындаушының есеп-шотына аударылады.
4. Басқа шарттар
4.1. Келісім-шарт Орындаушы есеп-шотына ақшалай аударым түскен сәттен бастап күшіне енеді және Тараптармен міндеттер толық орындалғанша күшінде болады.
4.2. Келісім-шарт Қазақстан Республикасының қолданыстағы заңнамасы негізінде бұзылуы мүмкін.
4.3. Тапсырыс беруші 2017 жылдың 15-мамырынан кешікпей Орындаушыға жазбаша ескерту жолдау арқылы АЭФ-ке қатысудан бас тартуға құқылы. Бұл жағдайда Орындаушы төленген қаражаттың 20 %-ын тұрақсыздық үшін ұстап қалып, қайтарады. Төлемді қайтып алу туралы өтініш Орындаушының атына 2017 жылдың 15-мамырынан кейін түскен жағдайда, АЭФ-ке қатысуға төленген төлем кері қайтарылмайды.
4.4. Өз міндеттерін тиісті деңгейде орындамаған жағдайда, тараптар Келісім-шарт ережесіне және Қазақстан Республикасы заңнамасына сәйкес жауап береді.
4.5. Орындаушы қызмет көрсету кезінде Тапсырыс беруші алған ақпараттарды қолдану нәтижесіне қатысты жауапкершілік алмайды.
4.6. Тараптар Келісім-шарттан шығатын немесе оны орындауға байланысты дау және келіспеушілік туындаған жағдайда келіссөз жолдары арқылы шаралар қолдануға жүгінеді. Наразылықты қарау мерзімі тараптар оны алған күннен бастап 30 (отыз) күн.
4.7. Дау және келіспеушілік келіссөз арқылы шешілмеген жағдайда, ондай дау мен келіспеушілік Орындаушының мекен-жайынадағы сот қарауына беріледі.
4.8. Келісім-шарт жасарда, Тапсырыс беруші еркін, ерікті түрде және өз мүддесіне сай мерзімсіз, қайтарып алынбайтын мынадай жазбаша келісім береді:
4.8.1. Келісім-шартты орындау немесе жасасуға байланысты онда көрсетілген немесе бөлек берілген кез келген жеке бас мәліметтерін пайдалану, оның ішінде жалпыға қолжетімді дереккөз болып есептелетін Орындаушы сайтындағы нұсқауларды, сондай ақ, жеке бас деректерінің басқа да түрлерін өңдеу, кез келген іс-әрекет немесе іс-әрекет жиынтығын қоса, автоматтау құралын қолдану арқылы іске асатын немесе оларды қолданбайтын, сондай ақ, жеке
бас деректерін жинау, жазып алу, жүйелендіру, қорға жинау, сақтау, нақтылау (жаңарту, өзгерту), пайдалану, беру (тарату, таныстыру, қолжетімділік), күшін жою, блоктау, өшіру, жою.
4.8.2. Этикалық нормаларды сақтау, оның ішінде, осындай шараларға сәйкес киім үлгісін кию.
4.9. Тапсырыс берушімен үшінші тұлғалардың жеке бас дерегі берілгенде, Тапсырыс беруші 4.8. тармақшаға сәйкес, оларды пайдалануға келісім береді және көрсетілген тұлғалардан осындай пайдалануға жазбаша келісімін алуға кепілдік береді. Бұл талаптың бұзылуына қатысты барлық жауапкершілік Тапсырыс берушінің мойнында.
4.10. Орындаушы АЭФ аясында өтетін аудио, видео және фото жазбаларды жүргізу құқығына ие. Оны барлық мақсатта пайдаланады. Оған Тапсырыс берушінің АЭФ-на қатысуын растау да кіреді.
4.11. Тапсырыс беруші мен ол жіберген АЭФ-ке қатысушыға (ларға) Орындаушының рұқсатынсыз, аудио, видео жазбалар жасауға тыйым салынады.
4.12. Келісім-шарт бойынша барлық құжаттар мен ескертулер тиісті өтініште немесе осы Офертада көрсетілген факс, электронды пошта, телефон нөмірлеріне жолдануы қажет.
4.13 Тараптар осы Оферта шарттарымен кез келген уақыта Қызмет көрсету туралы бір құжат үлгісімен, қос тараппен қол қойылған Келісім шартты рәсімдеуге құқылы. 4.14. Офертаның қолданыстағы редакциясы Орындаушының интернеттегі www.forum-astana.org мекен-жайы бойынша қолжетімді.
5. Орындаушының деректемелері
«Қазақстандық экономикалық бастамалар қоры» Корпоративтік қоры
Мекен-жайы: Астана қ., Сол жағалау, Шұбар ы-а, Темірқазық, 65
Тел.: 8 (7172) 70-18-13
БИН 150340017341
ИИК KZ51926150119H705000 (KZT)
ИИК KZ13926150119H705005 (GBP)
ИИК KZ94926150119H705002 (RUB)
ИИК KZ67926150119H705003 (EUR)
ИИК KZ24926150119H705001 (USD)
ИИК KZ83926150119H705006 (CHF)
«Казкоммерцбанк» АҚ
БИК KZKOKZKX
Кбе 18
Ақпарат алу үшін байланыс мәліметтері:
Тел.: +7 (7172) 575-006 (жұмыс), +7 707 1234-395 (ұялы)
Email: registration@forum-astana.org